qanun.info.az
qanun.info.az

Vaksinasiyadan sonra da qorunma tədbirlərinə ciddi əməl etməliyik - TƏBİB

Vaksinasiyadan sonra da qorunma tədbirlərinə ciddi əməl etməliyik - TƏBİB
16-01-2021, 12:19 39 dəfə baxılıb

Hər kəs sual verir ki, vaksin vurduran insan yaxınları üçün təhlükə yarada bilməz. Vaksin orqanizmə vurulan kimi insanı qorumur. Vaksinasiyadan bir müddət sonra orqanizmdə qoruyucu maddələr əmələ gəlməyə başlayır. Bu, həmişə belə olur.

Qanun.info.az Trend-ə istinadən xəbər verir ki, bunu Nazirlər Kabineti yanında Operativ Qərargahın brifinqində Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva deyib.

Onun sözlərinə görə, ölkəmizdə 7-9 milyon insan hələ virusa yoluxmayıb, amma onlar da virusa yoluxa bilərlər:

"Hər kəs özünə sual verəcək ki, mən niyə peyvəndi vurdurmalıyam. Biz hələ yayda fikirləşirik ki, hər kəs yoluxdu, bitdi, amma sonra gördük ki, bu, belə deyil. Hər kəs vaksinasiyaya ciddi yanaşmalıdır. Vaksinasiyanın aparılması nəticəsində risk qrupunda olan, ağırlaşan insanların sayı azaldılmalıdır. Amma qospitalizasiya edilə bilən insanlar yetərincə olur, ona görə də biz qapanmalara getməli oluruq. Hər kəs öz məsuliyyətini başa düşməlidir. Bizim hədəflərimiz yaşlılar və xroniki xəstəliyi olanlardır”.
Y.Qarayeva əlavə edib ki, 70-80 faiz əhali bu xəstəliyi ağır keçirə bilər.

”Birinci dozanı vurduran insanlar xəstəliyi yüngül keçirərlər, amma biz tam istədiyimiz nəticəni almaya bilərik. Buna görə də hər birimiz bu amili ciddi nəzərə almalıyıq və qorunma tədbirlərinə ciddi şəkildə əməl etməliyik”.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA