qanun.info.az
qanun.info.az

Ukraynadan daha 12 azərbaycanlı sürücü təxliyə edilib

Ukraynadan daha 12 azərbaycanlı sürücü təxliyə edilib
2-03-2022, 13:30 58 dəfə baxılıb

Ukraynada olan azərbaycanlı sürücülərin daha bir qrupu təxliyə edilib.

Qanun.info.az Trend-ə istinadən xəbər verir ki, ABADA-nın İctimaiyyətlə əlaqələr və marketinq şöbəsinin rəhbəri Ruslan Eldaroğlunun verdiyi məlumata görə, bu gün səhər saatlarında Odessa şəhərində cəmləşən 12 yük maşını Moldova respublikasına yola düşür.

Rəqəmsal İnkişaf və Nəqliyyat Nazirliyi və ABADA-nın aidiyyatı qurumlarla apardığı danışıqların nəticəsi olaraq, sürücülər Moldova-Rumıniya-Bolqarıstan-Türkiyə marşrutu üzrə hərəkət edəcəklər. Sürücülərin təxliyyəsi ilə bağlı həmin ölkələrdəki səfirliklərimizə məlumat verilib. Keçidin sadələşdirilməsi üçün müvafiq işlər görülüb.

 

ABADA tərəfindən yola düşən sürücülərin yanacaq təminatı da həll edilib. Bu təxliyə prosesində Kiyevdə cəmləşən 9 nəqliyyat vasitəsi var.

Növbəti mərhələdə Kiyev və digər ərazilərdən olan bir neçə yük maşınının da təxliyyəsi planlaşdırılır.

Bundan öncəki təxliyyə prosesi zamanı 7 yük nəqliyyat vasitəsi Ukrayna hüdudlarından çıxarılıb. Hazırda onlardan 6-ı Bolqarıstanda, biri isə Rumıniya ərazisindədir.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA