qanun.info.az
qanun.info.az

Xocavənddə işğaldan azad edilən əraziyə qanunsuz daxil olan şəxs tutulub

Xocavənddə işğaldan azad edilən əraziyə qanunsuz daxil olan şəxs tutulub
21-11-2021, 19:00 15 dəfə baxılıb

İşğaldan azad edilmiş ərazilərdə daxili işlər orqanları əməkdaşları tərəfindən nəzarət-profilaktiki tədbirlər davam etdirilir.

Qanun.info.az Trend-ə istinadən xəbər verir ki, Daxili İşlər Nazirliyi mətbuat xidmətinin Bərdə regional qrupundan verilən məlumata görə, Xocavənd Rayon Polis Şöbəsinin əməkdaşlarının keçirdikləri nəzarət tədbirləri ilə rayonun Böyük Tağlar kəndi ərazisindəki stasionar postda "Mercedes” markalı avtomobil saxlanılıb. Yoxlamalar zamanı avtomobilin sürücüsü Ağdaş rayon sakini Dilən Kazımovun işğaldan azad edilmiş ərazilərdə işləməsi üçün müvafiq icazəsi olsa da, avtomobildə olan digər şəxs Bərdə rayon sakini Bəhruz Əliyevin isə müvafiq icazəsinin olmadığı müəyyən edilib.

Avtomobilə müəyyən edilmiş qaydada baxış keçirilib, bu zaman avtomobilin yük yerindən, mühərrik hissəsindən və salonundan 80 kiloqrama yaxın müxtəlif metal məmulatları aşkar olunub.

 

Faktla bağlı Xocavənd RPŞ-də araşdırmalar aparılır.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA